今次要講講我最鐘意既日劇「求婚大作戰」。
「求婚大作戰」故事講男主角參加愛人既結婚典禮，係播影回憶照片時男主角好後悔點解無膽去表白而眼白白睇住心愛既人比人搶走，呢個時候住係教堂既妖精聽到男主角既心聲，於是就主動幫佢...
呢套屬於 07 年春季日劇，雖然係上季，不過故事、人物描寫等都得好好，而男女主角係由人氣既山下智久同長澤雅美飾演，兩個我都好鐘意，加上幾個配角都各有性格，加埋一齊就發生呢個化學作用。表面上睇o黎「求婚大作戰」屬於青春愛情片，其實話佢係勵志片都不為過，因為片中所帶出既訊息係範事唔好等第二日，要把握每個機會，同埋過去既野點樣都改變唔到，最重要係改變將來！
中文網站 : http://japan.videoland.com.tw/channel/propose/
日文網站 : http://wwwz.fujitv.co.jp/propose/index.html
唔好睇佢簡簡單單,功能唔少o架，例如可顯示個月曆啦，打幾個字母就可以 filter 剩相關既 software，重能夠換 wallpaper 等等，多野得黎個 setting 又好易上手，真係o岩哂我用，再加上呢個 software 係香港人設計既，特別有親切感添。其實之前都裝過另一款叫 zlauncher，聽人講好 powerful，不過我裝唔夠一分鐘就剷走o左，因見到個介面就唔鍾意，加上又難 set，真係話之佢識飛啦。
由於 Treo Launcher 深得我心，今日就去設計者個網度比錢買，個價係美金 12.95，對返港紙都係 100 蚊度，重有得 lifetime upgrade 添，咁唔算貴丫，咪經 paypal 比錢囉,點知呢頭 click ok，o個頭就係個 forum 度見到香港優惠價 $50，足足平一半，於是即刻係個 forum 度留言又 send e-mail 比設計者問有無方法補返個差額，好快就收到回覆重 refund 返o的錢比我，效率真高。
想知多o的可參考下面網址:
http://palmgadget.com/lnchr.html
玩o左差唔多兩年，覺得悶都唔係呢幾日既事，不過因為重有 friend 玩緊所以間唔中重有上去睇o下，近來一個星期都無上去一次心諗不如直頭 close o左個 account 算啦，一路係咁比月費都唔係辦法，所以尋晚襯有時間就上返 WoW 個官網取消 account，不過因為之前係三個月三個月咁比月費(維起o黎平少少)，而今期 charge 個日子係 7 月尾，即係我個 account 要去到 10 月尾先正式 bye bye，重有兩個月時間同o的 WoW friends say goodbye~~
有人話我個 Blog 久久都唔 update, BB 張相都睇o左成個月啦,諗諗o下又係o既,開o左個 Blog 又唁寫,唔知開o黎做乜,都怪自己懶啦,其實有好多野可寫不過 hea o下 hea o下又一日.
由於想個 Blog 豐富o的,由今日開始會寫o下部 Palm Treo o既野;另外亦會寫o下每季o既日劇同美劇觀後感之類,請大家多多指教.
前兩星期問同事借了 Canon EOS 350 DSLR 玩玩，大機果然係大機，比 DC 仔容易捕捉 BB 既神情，而且成像也很清很 sharp，detail 位亦很足，只可惜那幾天都沒時間帶 BB 去街玩和影相，這幾張都只是在家隨拍！
為慶祝同學生日，我們一班舊同學去到「青胡椒」吃晚飯，由於已幫襯過幾次，所以都沒什麼好說了，總之食物水準不錯。
另今次同學專誠制作了幾個麵包給大家，味道一流，樣了也和一般麵包店的麵包一模一樣，好正！！
袋裡共有三種包 - 吞拿魚包、豬仔包和腸仔包
另一位同學的新電話，一面可聽歌
另一面可講電話
今天一早起床打算落街跑步，準備之制，從房內往外望，看到對面海一片灰黑，對面機場給完完全全的復蓋了，大雨似是來勢凶凶的，向著蝴蝶灣撲去，忽然從凶猛的雨神旁邊現出了一道彩虹，似是靜靜的，等待著豪雨來臨。
正當心裡想著要取消今早的跑步運動，卻看見豪雨吞噬著彩虹，電光火石之間，大雨和彩虹消失了，只餘下毛毛細雨，陽光也再次降臨大地，見機不可失，馬上換好戰鬥裝備落街去了~~~~
本來對這齣電影沒什麼興趣，不過看過 trailer 後又覺得好像不錯的樣子，可是問了幾個女性朋友都說沒興趣，可能是機械人片關系吧，連最沒所謂的妹妹都說不看，唯有約 FFXI 的網友去看吧。
其實美國早於七月初便公演了，香港要到月尾才上演，可能是要避開 Harry Porter 和 Die Hard 4.0 這些大戲吧。看過美國那邊的評價對「變形金剛」都很高，星期天抱著期待的心情步入戲院，在眾多的戲院我選擇了奧海城的百老匯，一來地點方便大家，二來在商場「搵食」方便些，三來看完戲後他們要去動漫展，由奧海城去會展相信會比較容易。
整齣戲的 CG 做得非常好，人和機械人的光源亦自然，笑料豐富，只是要用肉眼去分博、狂兩派比較困難，除了柯柏文和大黃蜂有顏色上的分別外，大部份的機械人都是金屬銀色，對打時鏡頭又快又亂，真係唔知邊個打緊邊個...，另外片尾兩雄決戰（柯柏文對麥加登）覺得有少少草率，打兩野後男主角把 cube 放入麥加登體內便把他 KO 了。
總括而言這是一齣不錯的電影，一定要看啊！！！
一個很方便的工具，隨時隨地都可制作自己的頭像，簡單快捷。
隨了內建特定的尺寸之外，還可自定自己喜歡的尺寸，以後制作頭像不需再經 photoshop 之類的編輯軟件了。
這個頭像就是經 MyPicTr 制作，前後不到兩分鐘便完成。
今天上「布甸の自遊世界」時出了句 warning，是關於 "Read More..." 的 script 的，看了後不是太懂，就想去 template 試試轉去其實介面看看，怎料不小心忘了要先把舊 version save 好，現在的版面 "Read More..." 的功力沒用，唯有待會再 set 一次吧。
聽見同事大力推介說這間餐廳的奄列超巨，坐言起行午飯時衝去荃灣
店鋪不大，兩行大約只有十張檯，我們每人叫了一份常餐 $24，有一個牛油麵包，一碟火腿奄列，一碟肉絲意粉和一杯飲品。
看看這份奄列，真的超巨，店員說一份奄列用了五隻雞蛋作成
可以三個人食... 我吃了一半多少少就投降...
肉絲意粉，不太差
同事說店鋪營業時間是 10 - 7，只有一至五有常餐供應，散叫價錢會較貴。
Moss Burger 在香港已開了兩間分店，一間在觀塘 APM，另一間在旺角朗豪坊，昨晚約了幾位 FFXI 的網友去試試這間日式漢堡包店。
由於坐位不多最好先找到位後才去點食物，我們的座位在室外，沒空調不過晚上溫度不高的關系還可接受。
花多眼亂，我隨意的點了 Moss Cheese Burger 加一杯抹茶鮮奶及一份 potato chips，盛惠 $42，比麥當當貴卻又便宜過 Triple O's，份量我覺得剛好，不過男生就稍稍覺得不夠飽。
味道方面我覺得不錯，包很鬆軟，醬汁混和了洋蔥粒，很是香口，再加上牛肉不會太乾身，不錯不錯。
吃完漢堡包後有人提議吃甜品，商場內有「滿記」，馬上移動到那裡，不過我真的很飽固只叫了一個香蕉 pan cake，還只吃了二份一，其他的由他們包辦掉~
昨晚和朋友吃晚飯，一方面是補祝她生日，另一方面因她會於本月尾回大馬，最少要幾年後才會再回港探親，所以也算是送別晚飯。
今次我們相約到荃灣「嚼江南」，看過「Open Rice」的評價下俗，因此一試。
沙鍋雲吞雞，湯鮮甜味美
糖醋黃花魚
小龍包
時菜扒雙菇
鍋貼
雞絲粉皮
忘了名稱，類似上海粗炒，麵條即叫即整，入口嚥X，不錯不錯
朋友的女兒，已四個月啦~~
6 月 29 號，Apple iPhone 在美國正式上市了，雖然有人說 iPhone 有很多電話應有的 function 都沒有裝置在內，不過發售首天便賣出五十多萬部著實厲害呢！這部是由一位離職同事專誠帶給我們"參考"一下。
