荃灣三陂坊 - 泰廚

尋日 BB 同o左佢 Daddy Mummy 去阿爺o個樹食飯，咁我地三條友就好得閒，又唔想煮，於是去我同事成日話好食既泰式食店試試。地點係荃灣三陂坊，一行入去原來入面別有洞天，一欄好多食店，中式野多，其他就係打邊爐，Cafe 同埋呢間泰式野 - 泰廚。

行到尾尾唔難搵，去到個侍應招呼我地，我見入面有位想坐入面，不過個侍應話唔係好熱不如坐出面，咁算啦，費時嘈。坐底無耐就有一檻蝦片送上。

阿媽想食泰式拼盤，蝦餅唔錯，同青胡椒有得揮
咸魚抄介蘭，無咸魚味既 ~o~;;
咖哩雞，又幾好味喎
肉碎生菜包，麻麻地，青胡椒同 Venus 整都好食過佢
後尾我見到原本我想坐o個個位比人坐o左，都係三個人，雖然坐出面坐入面其實都無所謂，但係就唔好一開頭就唔比我地入去坐啦！呢間野雖然未至於難食，但又唔見得好食到要回頭囉，下次去返青胡椒算。