::布甸の自遊世界::: 秋日紅葉飄雪日本中部六天自遊行 2007

11月13日

係酒店食左早餐後出發去參觀宮川朝市，朝市營業時間只係上午幾個鐘，到十二點就收哂架啦，條街唔係好長，一陣間就行得哂，多數賣蔬菜同漬食品。

o的蘋果好爽，唔會太粉，連我呢個唔好蘋果既人都覺得好食，後悔無買返香港

o的辣椒綁到好似條孖鞭咁，好攪野

跟住行去出頂睇高山市全境，今日陰天有幾滴雨，比尋日好左好多，上到山頂出左一陣太陽，影出黎靚好多。

影左一大輪相，跟住去食午餐，今日食 udon，呢間係以手打 udon 出名，我叫左一客天婦羅 udon，味道都幾好，不過 udon 唔係好彈牙。

食飽後因為各人既相機開始無電，所以決定返酒店差一差電先再出發。

休息左約一個鐘，見個天開始有返太陽，我地即刻起行去另一個景點 - 飛驒古川。

由高山站去飛驒古川搭火車只係需要十幾分鐘，沿途天氣開始放晴。飛驒古川係一個好細既市鎮，我地係咁易行一行差唔多行左大半個飛驒古川。

飛驒古川出名既景點只得兩個，一個係條小河流，條河流真係好細好短，可能呢兩日都落雨所以o的水好俗唔清，由於真係太短唔使好耐就行哂，跟住就去另一個景點 - 古街。

古術亦唔係好長，大約兩至三個街口，有好多地道野賣，我地試左一串飛驒牛串周燒魚餅，兩樣都好普通，牛串要￥500，又貴又麻麻地，好彩係 share 食o者。

行下行下，我地去左另一邊食炸牛肉餅，佢o的 ham 係用飛驒牛加薯仔炸，￥200 一個好大個，o的皮炸得好脆，可惜太大個加上好油又肥，又無乜味，食到一半巳經唔想食，不過唔想 side 野格硬食哂。之後就搭火車返高山市。