秋日紅葉飄雪日本中部六天自遊行 2007 - DaY ONe

11月10號

好！出發啦！！！

o個日搭晨早 10：30 既機去名古屋，所以約左集合時間係 8：30 。check in 好後一齊去大家樂食早餐，整理好其他野就上機。機程約四個鐘，話咁快就到達名古屋中部國際空港，呢到唔係好凍，比香港涼少少，不過日短夜長，五點幾個天就黑哂，夜晚就會凍o的。

我份早餐，雖然o的人講飛機餐唔好味，不過我覺得都唔係既，
呢餐個冷麵唔錯架，但其他就麻麻
搭特急火車，30 分鐘就入到市區，間酒店就係火車站樓上，好易搵，放抵行李係酒店我地梗係出去行街街啦。

火車內部，好舒適
三人房，都唔細既
名古屋名物 - 手羽先（即係雞翼），o的雞翼係用炸，表面灑左好多芝麻，咸咸地幾好味，不過o的雞唔熱梗係覺得爭o的咁。

食過小食之後繼續搵食，今日既晚餐係名古屋-驛麵通食拉麵，呢度比我既感覺好似拉麵博物館咁，入面由好多不同特色既拉麵店組成一個食拉麵專門地方，朋友話“博多拉面好出名"，我地當然唔好執書啦。
我地幾個試左最平o個款，亦都係女性人氣首選。個豬骨湯底唔錯，有少少牛油味，但麵質“簡”左o的。
繼續搵食，食飽後我地行左去高島屋地庫搵一檔食飯團既鋪頭，佢o的飯團同一般o個o的個 size 細o的，上面放左隻蝦再用紫菜包住。可能唔係新鮮整起，o紫菜巳經淋左。

個包裝幾特別，用塊葉包住o的飯團
打開黎睇有五舊，一人一舊唔使爭
食左咁多野梗係要食的生果幫助消化啦
KIRIN 新產品 - 冰結西柚味啤酒，一飲落去開頭有陣西柚味，
之後就好似藥水味咁好難飲... 都係 jinja ale 好飲o的
食完行左一陣買埋第二日既早餐就返酒店，結束第一日既行程。