BB 大哂~
今日同 BB 去吉之島行街街
坐 BB 車
中場休息 - 煙鴨胸沙津
BB 第一次飲雪碧，即係嘔返出黎
之後係咁拎住支飲筒玩
Sunday, September 30, 2007
Friday, September 28, 2007
Palm 新機 Centro
Fans 望穿秋水，Palm 終於有新機出啦，今次個樣唔錯，尤其是白色機 (暫時 Palm 既 WM 機先有) 好靚，雖然成個 size 比 680 細左，但係個 mon 相對地都細左好多，只有 240 x 240，相機象數亦得返 1.3 萬，係現今呢個世代咁既 spec. 真係唔多夠，不過售價就好吸引，只係 USD 99.99，可能係咁咪出咁既 spec. 囉。
http://www.palm.com/us/
我自己用左部 680 都差唔多半年，除左唔係 3G、無 Wi-fi 同個 OS 唔係 unicode 之外，暫時都用得幾開心，因為部機你可以除個人喜好加減 software，我裝左個 Big 2 玩，搭飛機去日本時就係係機度玩啦，不過成日輸 ~.~，另外用慣左 qwerty keyboard 後真係好方便，打字打簡易好快。
可惜就係 palm 係一間極唔爭氣既公司，出埋o的機可以咁 outdate，新機 Feleo 可以係就 launch 幾個月前宣布取消個 product，OS 5.0 出左幾年都無 update 過，好多 palm 友都頂唔順間野轉左去 WM 或 Symbian 既陣營，而家希望 palm 痛定思痛做好o的野啦！！
Tuesday, September 25, 2007
Saturday, September 22, 2007
東京 Game Show 2007 <四>
今日終於可以自由活動啦，食左早餐後又出發去 shopping，今日約左個 friend 係 Tokyu Hands 門口等，由於佢幫我 collect Nintendo 寄比我o的景品，所以我都送返一盒月餅比佢。
我地今次唔行 Tokyu Hands 喇，行佢隔離既 Sunshine City 地下街，都幾多野行，重要既係多o的時裝同特別野睇，o岩哂我地。之後去左行日本既 Uniqlo 同 Beams，Uniqlo o的野同香港差唔多，Beams 就好貴，行完肚仔又餓，跟住求其搵間食店醫肚。
同事個 Set Lunch，Tuna 魚飯加碗擔擔麵，聽講話幾好食
我自己碗三色飯，勁正！！
飯後返酒店搭 Luminus Bus 去機場
去到機場 check in 好，就週圍行同食下下午茶。
呢杯係 Cappachino
咖哩漢堡飯
香蕉 pancake
CX 架機
Friday, September 21, 2007
東京 Game Show 2007 <三>
今日都係同老闆跟出跟入，食完早餐順便去一去 toilet，嘩！大開眼界，度廁所門係半園弧形，大鄉里第一次見，襯無人時偷偷地影左張相。 XD
跟住老闆行去 Bic Camara 睇下日本最新科技電器，第一次睇日本高清又係睇到嘩嘩聲，諗都無諗過o的頭髮可以咁清楚睇到一條條絲，我老闆話香港行高清之後o的女藝人、女主持、女 Model 以後就唔可以咁求其啦。之後又行去 Tokyu Hands 睇玩具，Tokyu Hands 除左玩具之外重有好多日常生活用品等等，好似無印咁囉，我行左大半個鐘就行哂 8 層啦，唔係好o岩行。
同事買左一套六款 Pixar 既公仔，其中一款「胡迪」
行完 Tokyu Hands 返酒店沖過涼，因實在太熱了，我朋友話咁o岩呢幾日先咁熱，之後去新宿幫我妹買個 LV 袋，其實 LV 香港會平過日本，但係因為香港無哂貨，所以我妹叫我係日本睇下有無。
咁o岩比我買到 last 一個，個 sale 重好好心機 pack 入一個又大又硬既盒入面，本來都唔想要不過兩個同事都話個盒好靚，我又驚我唔要好妹又會話我，最後就拎走左，退完稅後我自己先返酒店放好盒野，佢地係新宿繼續行多陣，之後約左第二個日本客 6 點鐘係秋葉原等同佢地、老闆一齊食飯。
今晚食壽司
頭盤，尤魚加蟹籽
刺身沙拉，好味
刺身
壽司拼盤，好新鮮
みそ汁，用三文魚做湯底，好甜好好味
o的肉好肥美
天婦羅，一o的油都無，好乾身好"翠"，點少少鹽食，同平時既食法唔同
飯後甜品，紅豆糕
個個食到飽哂就返酒店啦，本來想跟兩個男同事去隔離既 Mos Burger 睇下，佢地食宵夜我就飲杯野，不過去到個侍應話就收到，只剩返三個字，咁我就唔飲影幾張門口相就返酒店，佢地照叫左外賣返去食。
我地住既酒店
Thursday, September 20, 2007
東京 Game Show 2007 <二>
因為個 package 有包酒店早餐，所以早餐係酒店度食，有款日式甜蛋好好味，我食左好多，正！係酒店食左早餐後就出發去海濱幕張睇 show、搭 JR 到東京站再轉搭京葉線，由於去迪士尼都係搭呢條線，所以好多後生仔女好多人。
Tokyo Game Show 2007
Level 5 個場，本來想拎隻雷頓教授之休日既 game，不過去到已經有好多人排緊隊，最後尾既要排 60 分鐘，所以我地無排去第二o的地方睇啦，可惜。事後睇 forum 先知原來要排完試玩完重要答o岩問題先有 game...
雷頓教授與惡魔之箱
Konami 個 booth，同事話最右邊個女 model 個樣好恐怖，好彩我無影 close up o者。
新 PS3 Dual Shock 3 手掣，終於有得震啦，11 月發售予定。
Sega 出既 game，睇落唔錯
Sony 貓，Cute~~~
FFVII 人物 Cloud
重有 Sephiroth
午餐去左會場隔離個商場食飯，同事個炸天婦羅飯
我食燒牛肉飯
食完飯再返個 show 行多陣就去幕張個 outlet shopping 喇，個 outlet 就係車站附近，好近，nike、addidas、levis、new balance 等各大牌子都有，價錢有平有貴。
outlet 新開既 building，有 new balance。
買完野返酒店放底o的 catalogue 同戰利品又成班人去搵食啦，今次老闆帶左我地去神座，係一間拉麵店
有兩層，樓上呢層無乜人
我碗拉麵，有好多蔥，麵質，湯底都唔錯架，好味
撈哂o的蔥入去，好香
隻溫泉蛋入面重係半孰，正！
食完老闆話去池袋 Tokyu Hands 買玩具，本來都想跟不過都 9 點幾，應該差唔多 close，有個女同事話唔跟就一支箭咁走左，剩返我同另一位女同事，於是我地就行o下 super market 啦，上網經常有人話收舖前o的 sushi 會賣得好平，行左一陣終於見到啦。
呢盒 sushi 只係 6xx yen，好抵食
sushi 宵夜
Wednesday, September 19, 2007
東京 Game Show 2007 <一>
今日晨咁早五點幾起身梳洗，跟住就搭船去機場趕搭 9:10 機到日本，第一日一般都無乜野好做，因為去到日本都已經兩點幾，跟手過境拎行李搭埋火車去市區都已經下午五點幾六點。
我地今次住係池袋 Hotel Crowne Plaza Metropolitan，原來間酒店好近 JR 站，行去都唔使三分鐘，附近又有個大形既 shopping mall，格離又有間香港好 hit 既 Moss Burger，間酒店都算新，只係個景觀無 southern 咁正。去到酒店 check in 放好行李後，日本仔客亦已經出現，佢帶我地去食和牛 しゃぶしゃぶ。
間食店既餐牌，睇o黎唔平
未食之前影下o的餐具
第一碟，雞泡魚皮，食o的皮既感覺好似食緊海蜇咁，不過都幾好味。
雞泡魚刺身，用雞泡魚（白色o個o的）卷住o的蔥再點汁食。
雞泡魚天婦羅
しゃぶしゃぶ 煲
肥美既和牛，麻醬同o的菜
真係好好食，比我地平時食既肥牛厚好多同肥好多，漉完唔會得返一小片
食完肥牛後服務生會拎個烘過既飯團出黎，用頭先 しゃぶしゃぶ o的湯加入去食，好好食，不過油o左少少。
甜品，日本蜜瓜
係人都知雞泡魚同和牛都係日文飲食文化之一，今次可以一次過試哂兩樣真係好彩，講真如果要我自己自費食雞泡魚我又唔會囉，此終都係有心理障礙。雪花肥牛年中去日本時都想試o架喇，不過低估o左(六歌仙)既威力，無訂檯既要等到十點幾先有，後尾求其搵o左間拉麵店醫肚就算，可惜，所以今次有得食真係好開心。
飲飽食醉後就返酒店休息準備第二日行 show。
Subscribe to:
Posts (Atom)